老广们！即刻出发“朗京嘿哈山”啦～

讲起秋末睇红叶，好多人可能会谂起北方嘅香山，但系喺江南一带，南京栖霞山嘅红叶绝对唔会输，甚至仲多咗几分水乡特有的温婉韵味。如果你钟意层林尽染嘅壮阔，又钟意古寺禅意同红叶相映嘅雅致，咁栖霞山一定系你呢个季节唔可以错过嘅好地方。

我前几日先同朋友去咗一趟，一入门就被扑面而来嘅“红色浪潮”惊住咗。唔似得平时见到嘅枫叶净系得单调嘅红，栖霞山嘅红叶品种多到你估唔到，枫香、乌桕、三角枫、鸡爪槭……每一种叶嘅红都有唔同层次，有似火焰嘅艳红，有带住橙黄嘅暖红，仲有几分紫调嘅深红，喺阳光底下，叶片上嘅脉络都睇得清清楚楚，光影洒落嚟嘅时候，整座山都变得通透又热烈。

脚下偶尔会踩住几片跌落嘅红叶，“沙沙”声好有秋天嘅感觉。沿路嘅亭台楼阁都被红叶包围住，明镜湖嘅水面飘住几片红，锦鲤喺叶底游过，动静之间，禅意就出嚟咗。

如果想睇到全景，一定要上到始皇临江处。喺度远眺，整座栖霞山就好似被大自然打翻咗红色嘅颜料盘，漫山遍野嘅红，间中夹杂住一啲未完全落黄嘅绿树，红黄绿三色交织，层次分明到唔敢信。秋风一吹，满山嘅红叶就会轻轻晃动，好似一片红色嘅海洋喺度翻涌，睇到人心都开阔晒。

好多人话秋天系伤感嘅，但喺栖霞山，你只会感受到秋天嘅热烈同璀璨。如果你仲未谂好秋末去边度，不妨嚟栖霞山，睇一场红叶嘅盛宴，保证你会被呢度嘅美景深深吸引。

可能有人会问，几时去先系最好？现在就系红叶最靓嘅时候啦。

老广们，快啲过嚟“朗京嘿哈山”，唔睇就走宝啦！

（感谢 南京大学赵颖芯同学的粤语协助

）

编辑：蔡晖、校对：夏丹丹、审核：李惠

图文如需转载请注明来源“南京栖霞山（ID：njsqxs）”。如有其他问题请联系后台编辑，我们一定会及时审核处理。